陳凱琳搬入鄭嘉穎豪宅祕密同居 王浩信孖蔡思貝拍劇驚動警察

新歌推薦

復活
=丁當=

愛情總在丁當的愛情裡復活,以為死去的心又敢愛敢恨了。這首《復活》是丁當出道十年,特別準備給跟她一樣喜歡粵語歌迷的朋友們。也為2017年元月份紅磡的個唱作為一份誠意獻禮。

避過新辣招!佘詩曼買新樓慳成105萬

視後佘詩曼可謂瓣瓣掂!演技一向毋庸置疑的她,原來投資都甚有心得。早前,佘詩曼便趁港府推出遏抑樓市新辣招前,成功購入何文田豪華新盤「皓畋」。根據土地註冊處資料顯示,佘詩曼以1,407萬港元購入皓畋6座高層單位,面積587遲,遲價約為2.4萬港元。阿佘這次避過「新辣招」,成功慳回105萬港元印花稅。

有媒體致電佘詩曼,她承認購入單位,並謂:「我係買嚟投資放租嘅,好好彩喺政府出辣招之前購入。否則,要用更多嘅錢去買。」佘詩曼又直言買樓是最佳投資,除了今次購入何文田「皓畋」之外,原來她亦有其他物業位於九龍區,對九龍區可謂情有獨鍾。

仲有料爆?劉愷威發律師信怒斥造謠

藝人劉愷威與楊冪自結婚後極速生B,一家三口樂也融融,不過由於佢哋長時間分隔異地各有各工作,不時都會傳出感情有變嘅傳聞。昨天就有網媒爆出劉愷威同拍檔內地女星王鷗嘅緋聞,話佢的喺酒店夜會。

事件爆出之後,尋日出席公開活動嘅楊冪已經快速回應事件,講明無論發生任何事都會支援老公劉愷威,而劉愷威喺微博否認事件之餘,亦解釋去酒店房系同拍檔對劇本。正當大家以為事件就此告一段落時,接近凌晨時段,內地有網媒在微博表示劉愷威嘅「幽會」事件會再有料爆,不過實際有乜嘢料就未有透露。相差唔夠半個鍾,劉愷威嘅經理人公司立即出律師信怒斥爆料者,更指該言論已經嚴重傷害咗劉愷威嘅名譽,表示會採取法律措施追究到底。

雖然劉愷威已經出咗律師信仲講明會追究,而內地網媒方面則未有作出迴應,究竟內地網媒會唔會好似佢哋喺微博所講繼續爆料就不得而知。

【驚動警察】王浩信蔡思貝拍劇零交流

王浩信與蔡思貝昨晚在大坑為無綫新劇《踩過界》開工,劇中扮演盲人的王浩信,鏡頭前佢哋好有交流,鏡頭後卻行埋一邊,頻頻低頭玩手機。由於拍攝現場人多車又多,一度驚動警察,並且上前要求劇組駛走部份阻塞路面的車輛。

祕密同居!陳凱琳搬入鄭嘉穎豪宅

25歲陳凱琳(Grace)和47歲鄭嘉穎去年拍劇撻著,年齡差距完全不成障礙,人前人後一樣愛得甜蜜,向來低調處理感情事的嘉穎更難得大方,不時孖住女友高調放閃。

熱戀中的Grace和嘉穎愛情得意,事業同樣旺爆,接Job接到手軟;為了爭取相處時間,身為教徒、被稱為「處女黨」成員的Grace為了遷就男友,早前祕密搬入嘉穎位於大坑的豪宅,過著一如新婚的甜蜜生活,方便男友回港時見個夠。嘉穎亦樂意將鎖匙交給Grace,任由她自出自入。

成為男友家中女主人的Grace,早前向身邊友人透露開始學煲湯煮飯,用心箍實嘉穎,實行回家玩煮飯仔。不過,最近嘉穎頻頻於內地搵真銀,雖然男友不在港,Grace一樣未有回「閨」,誓要黐實兩人愛巢!

嚴謹大婚!孖太太激吻張達倫咀到抹汗

無綫處境劇《愛.回家》中飾演律師「嚴謹」的藝人張達倫與太太陳鳳玲舉行婚禮,在深灣遊艇會筵開二十席,出席的圈中人包括楊明、莊思明莊思華高海寧湯洛雯、岑杏賢等。張達倫與太太出來見傳媒時,兩人當眾恩愛咀嘴,張達倫更咀到抹曬汗,非常搞笑!

張達倫指太太怕醜,所以自己一個接受傳媒訪問,他謂太太是圈外人任職文職,兩人是中學同學,已認識了十多年,之後再碰面後便拍拖,兩年後再拉埋天窗。

講到「造人」大計,張達倫表示:「希望出年造個人仔,但系要拍《深宮計》忙到六月,希望爬兄弟黎諾懿頭做老竇!(生幾多個?)一個夠喇,自己仔女都冇所謂,如果為屋企人就想生男仔,因哥哥已經生咗個女,生仔媽咪會開心啲,自己生唔到咁多,過幾年都四十幾歲。(有冇向徐榮取生仔經?)有呀,佢教我飲醉酒造人會好啲。(今晚不醉無歸?)唔會,唔想出醜。(去邊度蜜月?)日本。(唔驚有輻射?)影婚紗相已經去咗歐洲,蜜月想喺亞洲,依家專心搵錢養B先。」

張達倫與太太的兄弟姊妹團共有十六人,圈中人包括黎諾懿、朱滙林、徐榮。問到開門利是多少?張達倫說:「在心中啦,今朝接新娘玩遊戲都玩到叫苦連天,要除鞋用腳趾喺冰水度挾麻雀,凍到腳痺,仲要著充氣道具衫跳蓮步舞。」

本期話題

恭喜張達倫拉埋天窗啦!

☞投稿郵箱:[email protected]

陳凱琳搬入鄭嘉穎豪宅祕密同居 王浩信孖蔡思貝拍劇驚動警察原文請看這裡

推薦文章